بالخطوات : مساج يخلصك من التوتر والقلق
محتارة بين أكتر من نوع مساج؟ طيب عايزة تعملى مساج بس مشغولة بالبيت والأولاد وشغلك مش مخلى عندك وقت ؟ النهارده هنقدم ليكى وصفة سهلة جدا عشان تعملى مساج يخلصك من التوتر بنفسك في البيت، ورغم أن المساج ده بيعتمد على تدليك القدم، إلا أنه بيساعد بنسبة كبيرة على تقليل التوتر والقلق والضغط العصبى اللى ستات كتير بيعانوا منه.
ازاى تعملى مساج بسيط يخلصك من التوتر :
■ الجلوس فى مكان مريح في البيت، على كرسى أو على سرير، ووضع القدم على وسادة كبيرة، بشرط يكون عليها قطعة من القماش أو فوطة.
■ نبدأ بعملية التسخين وتطرية الجلد، عن طريق تدليك بسيط بزيت أو كريم.
■ بأطراف أصابع اليد، يتم تدليك مشط القدم باتجاه أصابع القدم، مع تحريك مقدمة القدم لأعلى ولأسفل بشكل منتظم وسلس من غير أى تنشنه.
■ بعد كده قومى بتدليك مقدمة القدم باليد كلها، وليس الأصابع فقط على أن يكون التدليك بحركة دائرية من اليمين إلى الشمال وتأكدى من أنك تدلكى القدم بالإيد كلها مش بصابع أو اتنين.
■ وبنهاية الخطوات اللى فاتت قومى بالضغط على أعلى بطن القدم بأصابع الإبهام، ولابد من الاهتمام بتدليك هذه المنطقة تحديدا، لكون الألم يتركز فيها بكثافة، وخدى بالك أن التدليك مع الحركة لأعلى وأسفل، يزيل التوتر والألم في وقت قصير للغاية وبأسرع مما تتخيلى.
■ التدليك فى منطقة أصابع القدم، والتدليك بين أصابع القدم بخفة، حتى تسترخى ويخف الألم، مع بقاء القدم مرفوعة لبعض الوقت.
■ أخيرا هنيجى بقبل أهم وآخر خطوة في عمل المساج كله، وده عشان تحسى بالراحة والاسترخاء التام ويختفى الألم من الجسم بالكامل، و في الخطوة ديه تقومى بوضع القدم مسترخية لأسفل، وتقومى بعد كده بتدليك أصابع القدم ،
إصبع إصبع مع تحريك كل إصبع فى جميع الاتجاهات برفق شديد وبنهاية تلك الخطوات هتلاحظى ان فى فرق كبير وانك تخلصتى من الهموم والضغوط اللى كانت محاصراكى من غير ما تضطرى أنك تزورى أى مركز تجميل .
ودا اسهل مساج يخلصك من التوتر والقلق
شارك الموضوع مع اصدقائق من خلال الروابط التاليه
